ከቀን ቅዱስ ሃሙስ ከስም ልዩ ቴዎድሮስ ፨፨፨ አፄ ቴዎድሮስ ሁለተኛ ― የኢትዮጵያ ንጉስ፣ ዘመነመሳፍንትን ቀብረው ኢትዮጵያን እንደገና ያዋሃዱ፣ ከተራ ሽፍታነት ተነስተው የታላቅ ሃገር ንጉስ የሆኑ፣ የጦር ስልት አዋቂ ቴዎድሮስ አድኃኖም ― ከአንድ ሃገር የክልል ጤና ቢሮ ተነስተው፣ የጤና ጥበቃ ሚኒስትር ፣ የውጪ ጉዳይ ሚኒስትር ብሎም የአለም ጤና ድርጅት ዳይሬክተር የሆኑ ቴዎድሮስ ገብሬ ― ስነፅሁፍን ሳይንሳዊ በሆነ መልክ የሚተነትን ድንቅ ኢትዮጵያዊ ሃያሲ፣ ታላላቅ የሂስ ስራዎቹ ያነበብነውን ባላየነው አቅጣጫ የሚከስትልን ቴዎድሮስ ታደሰ ― አስደናቂ ድምፃዊ። ከኢትዮጵያ ወርቃማ የሙዚቃ ዘመን ከታላላቆቹ ሙዚቀኞች አንዱ ቴዎድሮስ ካሳሁን ―ከዘመናችን ድምፃውያን አንዱ። ከድምፁ ባሻገር የግጥምና ዜማ ጠቢብ ቴዎዶር ሩዝቬልት ― የአሜሪካ ፕሬዚዳንት ቴዎድሮስ ምትኩ — ቴዲ ምትኩ ኢንስትሩመንታል (በተለምዶ የአየር መንገድ ክላሲካል)የተጫወተ ጉምቱ ሳክስፎኒስት ነው። እንደዛሬ ማንም እየተነሳ ሳክስ ሳይነፋ በፊት ቴዲ ከሶል ኤኮስ(ከወንድሙ ከተሾመ ምትኩ ጋር) እስከ ደመራና ሌሎችም ባንዶች በግል ከሙላቱ ከጥላሁን እና ከሌሎች እውቆች ጋር ሰርቷል!ቴዲ በኔ ብያኔ ከያሬድ ተፈራም ሆነ ከጌታቸው መኩሪያ እኩል የሚቀመጥ ባለሙያ ነው። ቴዎድሮስ መኮንን(ቴዲ-ማክ)—የታዋቂው አብራሪ ካፒቴን መኮንን በሪ ልጅ ነው። ግን ቴዲ ከዚያም በላይ ነው። የራሱን መንገድ ቀይሶ ከታላላቆቹ የኢትዮጵያ የሙዚቃ አቀናባሪዎች ከነ አበጋዝ ክብረወርቅ ሺዎታ ጋር የሚመደብ ሙዚቀኛ ነው። ብዙ የሙዚቃ አልበሞች ቢያቀናብርም ማስተርፒሱ የአስቴር አወቀ ኤቦ አልበም ነው። ከዚህ ባሻገር በኢትዮጵያ አይዶል ተወዳዳሪ የነበረችው የታዳጊዋን ሃና የኦፔራ ሙዚቃ ተሰጥኦ በመመልከት ባለው ጥልቅ የሙዚቃ እውቀት...
